ഈ വാരം തുടങ്ങിയത് ഒരു വലിയ ആഘാതത്തിന്റെ തുടര്‍ച്ചയില്‍ ആയിരുന്നു. ശബരിമലയില്‍ ഫോറെസ്റ്റ് വകുപ്പും പോലീസ് വകുപ്പും ദേവസ്വവും തമ്മിലുള്ള കബഡി കളിയ്ക്കിടയില്‍ ജീവന്‍ നഷ്ടപെട്ടവരെ ഇനി നമുക്ക് ദു:ഖത്തോടെ മാത്രമേ ഓര്‍ക്കാന്‍ കഴിയൂ. ദൈവത്തിന്റെ സ്വന്തം നാടായ കേരളത്തിലെ ഏറ്റവും വരുമാനമുള്ള ഒരു ദൈവമായ അയ്യപ്പന്‍റെ ആശ്രിതര്‍ (ദേവസ്വം) ഭക്തരുടെ സുരക്ഷയ്ക്ക് ഒന്നും ചെയ്തില്ല. എന്തിനാ പതിവ് തെട്ടിക്കുന്നെ എന്ന് വിച്ചരിചിട്ടുണ്ടാകും മേലാളന്മാര്‍. കേരളത്തില്‍ ഈ വര്‍ഷത്തെ ബെസ്റ്റ് ആക്ടര്‍ അവാര്‍ഡ്‌ അവിടെ പാഞ്ഞെത്തിയ രാഷ്ട്രീയകരില്‍ ഒരാള്‍ക്ക് തന്നെ കൊടുക്കണം, ഹോ! എന്തൊരു ഭാവാഭിനയം!
ജനങ്ങളുടെ കൈയില്‍ നിന്ന് ഫണ്ട്‌ പിരിച്ചു അവരെ ദ്രോഹിക്കാന്‍ കേരളം മൊത്തം റോഡ്‌ ബ്ലോക്ക്‌ ഉം ഉണ്ടാക്കി ഒരു നേതാവ് യാത്ര നടത്തുകയായിരുന്നു. അത് മുടങ്ങിക്കിട്ടി. ആശ്വാസം തല്കാലത്തെകാണ്. ഇതെഴുതുംബോഴേക്കും വീണ്ടും തുടങ്ങിയിട്ടുണ്ടാകും. ആ ദുരന്തത്തില്‍ ഞെട്ടിയിരിക്കുമ്പോള്‍ ചില ചാനെല്‍കള്‍ നടത്തുന്ന പ്രകടനം അതിലും വലിയ ദുരന്തം ആയി. രോഗികളെ നോക്കുകയും, അതിനുള്ള സന്നാഹങ്ങള്‍ ഒരുക്കുകയും വേണ്ട വണ്ടിപ്പെരിയാരിലെ ഡോക്ടര്‍ സുരേഷ് വലിയ തിരക്കിലായിരുന്നു. കാരണം, ഇന്ത്യ വിഷന്‍ തത്സമയമല്ലേ ഡോക്ടറുടെ റിപ്പോര്‍ട്ട്‌ കൊടുക്കുന്നത്. അഭ്യസ്ത വിദ്യരായ മലയാളികളെ ലജ്ജിക്കൂ..!
ലോട്ടറി കേസ് നമ്മുടെ മുഖ്യന് വല്യ പെരുണ്ടാക്കികൊടുത്തു. എന്തിനാണ് ഇവര്‍ സി ബി ഐ എന്ന് കേള്‍ക്കുമ്പോള്‍ ഞെട്ടുന്നത്. സത്യസന്ധമായി കാര്യങ്ങള്‍ ചെയ്യുമ്പോള്‍, എന്തിനു അന്വേഷണത്തെ ഭയപ്പെടണം.? അച്ചുവേട്ടന്‍ സി ബി ഐ അന്വേഷണം വേണമെന്ന് പറഞ്ഞതിന് പാര്‍ടിയില്‍ നിന്ന് പുറത്താക്കാന്‍ വരെ കല്കട്ടയില്‍ യോഗം കൂടുന്നു. വി എസ് എന്നാ പേര് പറയാന്‍ യോഗ്യത ഉള്ള ഒരാള്‍ ആ കൂട്ടത്തിലുണ്ടോ..? എന്തായാലും യോഗ തീരുമാനം ചോര്ന്നതിനാല്‍ നടപടി ഒഴിവായി. ഇത് കേള്‍ക്കുമ്പോ ഒരു കാര്യം മനസ്സില്‍ വന്നു. കമ്മ്യുണിസ്റ്റ് പാര്‍ടി യുടെ പേര് മാറ്റണം. കമ്മ്യുണിസ്റ്റ് ക്യാപിറ്റലിസ്റ്റ് പാര്‍ടി എന്നാക്കിയാലോ..?
No comments:
Post a Comment