ചടയന്‍ കൊടുത്ത ഉത്സാഹത്തില്‍ കുട്ടന് ലേക്ക് വ്യൂ റോഡിലെ വാട്ടര്‍ ടാങ്കിനു മുകളില്‍ നൃത്തം വെച്ചു.. ആഹ്ലാദം ഒരുപാട് കൂടുമ്പോള്‍, അല്ലെങ്കില്‍, ഒരുപാട് ദു:ഖം വരുമ്പോള്‍, അതുമല്ലെങ്കില്‍ ഒരുപാട് ടെന്‍ഷന്‍ വരുമ്പോള്‍ ആണ് കുട്ടന് ചടയനെ ഓര്‍ക്കുന്നത്... കുട്ടന് സന്തോഷവും സങ്കടവും വളരെ അപൂര്‍വമായേ വരാറുള്ളൂ.. ഇപ്പോഴും ടെന്‍ഷന്‍ ആണ്... ഇന്ത്യ പാക്കിസ്ഥാന്‍ ടെസ്റ്റ്‌ നടക്കുന്നുണ്ടെങ്കില്‍ വരെ കുട്ടന് ടെന്‍ഷന്‍ ആണ്... കുട്ടന് ചടയന്റെ സ്ഥിരം തോഴനല്ല.. ചടയന്റെ രസം ഒരു രസം തന്നെ, അതാണ് അതിനെപ്പറ്റി ചോദിച്ചപ്പോള്‍ കുട്ടന് പറഞ്ഞത്...
കുട്ടന് മദ്രാസില്‍ എത്തിയിട്ട് കുറെ വര്‍ഷങ്ങള്‍ കഴിഞ്ഞു. നാട്ടില്‍ നിന്ന് ഓടിച്ചുവിട്ടതാണെന്ന് ഒരു പക്ഷം, അതല്ല എന്തോ സാമ്പത്തിക ബാധ്യത വന്നു കൂടിയതിനാല്‍ രക്ഷപെട്ടു വന്നതാണെന്ന് മറ്റൊരു പക്ഷം, പക്ഷെ, കൂടുതല്‍ പ്രചരിക്കുന്നത്, കട്ട റം കുടിച്ച വശപെശകില്‍ ത്രിശൂര്‍ ഇറങ്ങുന്നതിനുപകാരം, മദിരാശിയില്‍ ഇറങ്ങിയതാണെന്നാണ്. കുട്ടന് പൊതുവേ ആഹാരപ്രിയനാണ്. മദിരാശിയിലെ പൊങ്കലും, പലതരം ചോറും, കുട്ടനെ മദിരാശിയില്‍ പിടിച്ചു നിര്‍ത്തിയത്രെ.
കുട്ടന് അതി സാഹസികനും ബുദ്ധിമാനും ആണ്. തട്ടിപ്പും വെട്ടിപ്പും പഥ്യം. മദിരാശിയില്‍ എത്തിയ കുട്ടന് അവിടെ ഒരു സോഫ്റ്റ്‌വെയര്‍ എഞ്ചിനീയര്‍ ആയി ജോലി തരപ്പെടുത്തി. സ്വതവേയുള്ള മടി കുട്ടനെ പുതിയ ആശയങ്ങള്‍ക്ക് പ്രേരിപ്പിച്ചു. എന്തും തനിയെ പ്രവര്തിക്കപ്പെടുന്ന, ഇന്ഡസ്ട്രിയല്‍ ഓട്ടോമേഷന്‍ എന്ന മേഖലയില്‍ കുട്ടന് പ്രമുഖ താരമായി. കുട്ടന്റെ ജോലിക്കാര്യവും പരമ രസം. ഉറങ്ങ്ങുകയല്ലെങ്കില്‍, കുട്ടന് ജോലി ചെയ്യുകയായിരിക്കും. എന്നാല്‍ ഉറങ്ങിയാല്‍ പിന്നെ എപ്പോ എഴുന്നെല്‍ക്കുമെന്നു ആര്‍ക്കും പ്രവചിക്കാന്‍ പറ്റില്ല. ഭക്ഷണം കഴിക്കാന്‍ കുട്ടന് അതിയായ താല്പര്യം ഉണ്ടെങ്കിലും, അത്യധികമായ മടി ഉള്ളതുകൊണ്ടാണ്, പലപ്പോഴും കുട്ടന് ആഹാരം ഒഴിവാക്കുന്നത്. ദിവസങ്ങളോളം ആഹാരം കഴിക്കാതെ ഇരുന്നിട്ടുണ്ട് കുട്ടന്.
കുട്ടന്റെ മറ്റൊരു പ്രത്യേകത, ദേഷ്യം ആണ്. വളരെ പെട്ടെന്ന് ദേഷ്യം വരും. ഒരിക്കല്‍, ഓഫീസില്‍ കുട്ടന് ജോലി ചെയ്തുകൊണ്ടിരിക്കുമ്പോള്‍ ആരോ ലൈറ്റ് ഓഫാക്കി. പോരെ പൂരം. ആ ദേഷ്യത്തിന് മുന്‍പിലെ മോനിടര്‍ അടിച്ചു തകര്‍ത്താണ് ദേഷ്യം ശമിപ്പിച്ചത്.
ഈയിടെയായി കുട്ടന് ടെന്‍ഷന്‍ല്‍ ആണ്. കുറച്ചു രാഷ്ട്രീയ ചിന്തയുള്ള കുട്ടന്, ഇപ്പോഴത്തെ രാഷ്ട്രീയ സ്ഥിതിഗതികളില്‍ ആശങ്കയുണ്ടായതിനു അത്ഭുതം വേണ്ടല്ലോ. പ്രശ്നം അവന്‍ തന്നെ! എന്ടോസള്‍ഫാന്‍! കുട്ടന് സ്കൂളില്‍ പഠിക്കുമ്പോള്‍ തന്നെ ഇതിനെപറ്റി വായിച്ചറിഞ്ഞിട്ടുണ്ട്. എന്തുകൊണ്ടാണ് ഇത് നിരോധിക്കാത്തത്..? ഇതിനെപറ്റി എന്താ നമ്മുടെ സ്വകാര്യ, പൊതുമേഖല ഗവേഷണ കേന്ദ്രങ്ങള്‍ ഗവേഷണം നടത്താത്തത്..? ലോകം മൊത്തത്തില്‍ മുതലാളിത്ത കുത്തകകളുടെ കൈപിടിയിലോതുങ്ങിയോ..? ഇങ്ങനെ നാനാവിധ ചിന്തകളാണ് കുട്ടന്റെ മനസ്സില്‍. ദിവസവും 12 മണിക്കൂര്‍ ഉറങ്ങുന്ന കുട്ടന് ഇപ്പൊ അശേഷം ഉറക്കമില്ല. ഭക്ഷണത്തോട് വിരക്തി. രോഷമാണ്‌ ഉള്ളില്‍, കേന്ദ്ര സംസ്ഥാന സര്‍ക്കാരുകളോട്.
കുട്ടനെ അശാന്തിയുടെ പാരമ്യത്തിലെത്തിച്ചു നില്‍ക്കവേ, ഓഫീസില്‍ ഒരു ഡിന്നര്‍ പരിപാടി. ഡിന്നര്‍ എന്നാല്‍ തീറ്റയും കുടിയും. ടെന്‍ഷന്‍ കുറച്ചു വെള്ളമൊഴിച്ച് നേര്‍പ്പിക്കാം എന്ന ചിന്തയില്‍, കുട്ടനും പോയി. നേര്‍പിച്ചു, ഒരു വിധം കാലപ്രമാണത്തിലെത്തിയപ്പോഴാണ് ശ്രദ്ധയില്‍ പെട്ടത്, കഴിചിരുന്നതില്‍ മഷ്രൂം ഫ്രൈ ഉം ഉള്‍പ്പെട്ടിരുന്നു. ഓര്‍മകള്‍ അതിവേഗം കുതിച്ചു പാഞ്ഞു, അതെ, അവന്‍, എന്ടോസള്‍ഫാന്‍ തന്നെയാണ്, ഇതിലും. സുഹൃത്തിന്റെ കൂണ്‍ കൃഷി സ്ഥാപനത്തില്‍ വച്ച് തിരിച്ചറിഞ്ഞ കാര്യം. കീടനാശിന്യായി, കൊടും വിഷം. അന്ന് നിര്‍ത്തിയതാണ് കൂണ്‍ പ്രേമം.
ഓര്‍മ്മ വരുമ്പോ, സഹപ്രവര്‍ത്തകന്‍ ശരവണന്റെ വീടിലയിരുന്നു. ശരവണന്‍ കുട്ടനെ നന്നായി ശകാരിച്ചു. ഡിന്നര്‍ ആകെ അലങ്കോലമാക്കിയതും പോര, ഇടയ്ക്ക് കയറിയ മാനേജരുടെ ചെകിട് തീര്‍ത്തു കൊടുത്തതും കുറച്ചു കൂടിപോയി. നാളെ എന്തായാലും മെമോയും പിരിച്ചുവിടല്‍ ഒഴികെയുള്ള നടപടി ക്രമങ്ങളും സഹിക്കാന്‍ റെഡി ആകുക.
ശരവണന്റെ വീട്ടില്‍ നിന്ന് നേരെ പോയത് ചടയന്‍ സംഘടിപ്പിക്കാനാണ്. ഇനി ടെന്‍ഷന്‍ ഒന്ന് ഇറക്കി, സ്വസ്ഥമായി സാധാരണക്കാരനായി മാറണം. അതിനാണ് ഈ നൃത്തം.. ഇതില്‍ താണ്ടവമുണ്ട്. മനസ്സിലെ ഉറങ്ങിക്കിടക്കുന്ന അനുസരിക്കാത്ത മൃഗത്തെ തളക്കാനുള്ള നൃത്തം. ഓം ശാന്തി ശാന്തി...
No comments:
Post a Comment